VIº Encontro á luz da lúa (ano 2012).

Atoparémonos en Cadeiras, sobre as nove da noite, o venres, 3 de agosto, para tomar algo e ir comezando a noite.

Logo, as actuacións e paradas realizaranse no entorno de Cadeiras (miradoiro, Pena da Virxe...).

Estarán connosco Xosé do Incio, coa zanfona, Olga Novo, poeta de Vilarmao, Xosé Lois García, escritor, historiador, poeta, Carmeliña, rapsoda, Teresa Grau, contacontos, Rosa García, poeta, os músicos Pucho e Lelo, o grupo O Trícole, os guitarristas Sergio e Joel e Fernando Estévez coa gaita.

Ademais, coma sempre, calquera participante pode ler, recitar, cantar, contar... compartir o que desexe nesta noite de amizade, música e poesía.

* A organización encargarase da iluminación e fotografías, recoméndase non sacar fotos para non interferir no desenvolvemento das actuacións e intervencións.